Hebrew
אָז יָשִׁיר־מֹשֶׁה וּבְנֵי
יִשְׂרָאֵל אֶת־הַשִּׁירָה הַזֹּאת לַיהוָה וַיֹּאמְרוּ לֵאמֹר
אָשִׁירָה לַיהוָה כִּי־גָאֹה גָּאָה סוּס וְרֹכְבוֹ רָמָה בַיָּם: עָזִּי וְזִמְרָת יָהּ וַיְהִי־לִי
לִישׁוּעָה זֶה אֵלִי וְאַנְוֵהוּ אֱלֹהֵי אָבִי וַאֲרֹמְמֶנְהוּ: יְהוָה אִישׁ מִלְחָמָה יְהוָה
שְׁמוֹ: מַרְכְּבֹת פַּרְעֹה וְחֵילוֹ יָרָה בַיָּם וּמִבְחַר שָׁלִשָׁיו טֻבְּעוּ בְיַם־סוּף: תְּהֹמֹת
יְכַסְיֻמוּ יָרְדוּ בִמְצוֹלֹת כְּמוֹ־אָבֶן: יְמִינְךָ יְהוָה נֶאְדָּרִי בַּכֹּחַ יְמִינְךָ יְהוָה תִּרְעַץ
אוֹיֵב: וּבְרֹב גְּאוֹנְךָ תַּהֲרֹס קָמֶיךָ תְּשַׁלַּח חֲרֹנְךָ יֹאכְלֵמוֹ כַּקַּשׁ: וּבְרוּחַ אַפֶּיךָ
נֶעֶרְמוּ מַיִם נִצְּבוּ כְמוֹ־נֵד נֹזְלִים קָפְאוּ תְהֹמֹת בְּלֶב־יָם: אָמַר אוֹיֵב אֶרְדֹּף
אַשִּׂיג אֲחַלֵּק שָׁלָל תִּמְלָאֵמוֹ נַפְשִׁי אָרִיק חַרְבִּי תּוֹרִישֵׁמוֹ יָדִי: נָשַׁפְתָּ בְרוּחֲךָ
כִּסָּמוֹ יָם צָלְלוּ כַּעוֹפֶרֶת בְּמַיִם אַדִּירִים: מִי־כָמֹכָה בָּאֵלִם יְהוָה מִי כָּמֹכָה
נֶאְדָּר בַּקֹּדֶשׁ נוֹרָא תְהִלֹּת עֹשֵׂה פֶלֶא: נָטִיתָ יְמִינְךָ תִּבְלָעֵמוֹ אָרֶץ: נָחִיתָ
בְחַסְדְּךָ עַם־זוּ גָּאָלְתָּ נֵהַלְתָּ בְעָזְּךָ אֶל־נְוֵה קָדְשֶׁךָ: שָׁמְעוּ עַמִּים יִרְגָּזוּן חִיל
אָחַז יֹשְׁבֵי פְּלָשֶׁת: אָז נִבְהֲלוּ אַלּוּפֵי אֱדוֹם אֵילֵי מוֹאָב יֹאחֲזֵמוֹ רָעַד נָמֹגוּ
כֹּל יֹשְׁבֵי כְנָעַן: תִּפֹּל עֲלֵיהֶם אֵימָתָה וָפַחַד בִּגְדֹל זְרוֹעֲךָ יִדְּמוּ כָּאָבֶן עַד־יַעֲבֹר
עַמְּךָ יְהוָה עַד־יַעֲבֹר עַם־זוּ קָנִיתָ: תְּבִאֵמוֹ וְתִטָּעֵמוֹ בְּהַר נַחֲלָתְךָ מָכוֹן
לְשִׁבְתְּךָ פָּעַלְתָּ יְהוָה מִקְּדָשׁ אֲדֹנָי כּוֹנְנוּ יָדֶיךָ: יְהוָה | יִמְלֹךְ לְעֹלָם וָעֶד: כִּי
בָא סוּס פַּרְעֹה בְּרִכְבּוֹ וּבְפָרָשָׁיו בַּיָּם וַיָּשֶׁב יְהוָה עֲלֵהֶם אֶת־מֵי הַיָּם וּבְנֵי
יִשְׂרָאֵל הָלְכוּ בַיַּבָּשָׁה בְּתוֹךְ הַיָּם: וַתִּקַּח מִרְיָם הַנְּבִיאָה אֲחוֹת אַהֲרֹן
אֶת־הַתֹּף בְּיָדָהּ וַתֵּצֶאןָ כָל־הַנָּשִׁים אַחֲרֶיהָ בְּתֻפִּים וּבִמְחֹלֹת: וַתַּעַן לָהֶם
מִרְיָם שִׁירוּ לַיהוָה כִּי־גָאֹה גָּאָה סוּס וְרֹכְבוֹ רָמָה בַיָּם: וַיַּסַּע מֹשֶׁה
אֶת־יִשְׂרָאֵל מִיַּם־סוּף וַיֵּצְאוּ אֶל־מִדְבַּר־שׁוּר וַיֵּלְכוּ שְׁלֹשֶׁת־יָמִים בַּמִּדְבָּר
וְלֹא־מָצְאוּ מָיִם: וַיָּבֹאוּ מָרָתָה וְלֹא יָכְלוּ לִשְׁתֹּת מַיִם מִמָּרָה כִּי מָרִים הֵם
עַל־כֵּן קָרָא־שְׁמָהּ מָרָה: וַיִּלֹּנוּ הָעָם עַל־מֹשֶׁה לֵּאמֹר מַה־נִּשְׁתֶּה: וַיִּצְעַק
אֶל־יְהוָה וַיּוֹרֵהוּ יְהוָה עֵץ וַיַּשְׁלֵךְ אֶל־הַמַּיִם וַיִּמְתְּקוּ הַמָּיִם שָׁם שָׂם לוֹ חֹק
וּמִשְׁפָּט וְשָׁם נִסָּהוּ: וַיֹּאמֶר אִם־שָׁמוֹעַ תִּשְׁמַע לְקוֹל | יְהוָה אֱלֹהֶיךָ וְהַיָּשָׁר
בְּעֵינָיו תַּעֲשֶׂה וְהַאֲזַנְתָּ לְמִצְוֺתָיו וְשָׁמַרְתָּ כָּל־חֻקָּיו כָּל־הַמַּחֲלָה אֲשֶׁר־שַׂמְתִּי
בְמִצְרַיִם לֹא־אָשִׂים עָלֶיךָ כִּי אֲנִי יְהוָה רֹפְאֶךָ:
Chabad
oz yoshir-moysheh uv'nei
Yisro-eil es-hashiroh hazoys ladonoy vayoymru leimoyr
oshiroh ladonoy ki-go-oyh go-oh sus v'roych'voy romoh vayom: ozi v'zimros Yoh vay'hi-li
lishu-oh zeh Eili v'anveihu Eloyhei ovi va-aroym'menhu: Adonoy ish milchomoh Adonoy
sh'moy: mark'voys Paroyh v'cheiloy yoroh vayom umivchar sholishov tub'u v'yam-suf: t'hoymoys
y'chasyumu yor'du vimtzoyloys k'moy-oven: y'min'cho Adonoy nedori bakoyach y'min'cho Adonoy tiratz
oyyeiv: uv'royv g'oyn'cho taharoys komecho t'shalach charoyn'cho yoychleimoy kakash: uv'ruach apecho
ne-ermu mayim nitz'vu ch'moy-neid noyz'lim kof'u s'hoymoys b'lev-yom: omar oyyeiv erdoyf
asig achaleik sholol timlo-eimoy nafshi orik charbi toyrisheimoy yodi: noshafto v'ruchacho
kisomoy yom tzol'lu ka-oyferes b'mayim adirim: mi-chomoychoh bo-eilim Adonoy mi komoychoh
nedor bakoydesh noyro s'hiloys oyseih fele: notiso y'min'cho tivlo-eimoy oretz: nochiso
v'chasd'cho am-zu go-olto neihalto v'oz'cho el-n'veih kodshecho: shom'u amim yirgozun chil
ochaz yoysh'vei p'loshes: oz nivhalu alufei Edoym eilei Moy-ov yoychazeimoy ro-ad nomoygu
koyl yoysh'vei ch'no-an: tipoyl aleihem eimosoh vofachad bigdoyl z'roy-acho yid'mu ko-oven ad-ya-avoyr
am'cho Adonoy ad-ya-avoyr am-zu koniso: t'vi-eimoy v'sito-eimoy b'har nachalos'cho mochoyn
l'shivt'cho po-alto Adonoy mik'dosh Adonoy koyn'nu yodecho: Adonoy yimloych l'oylom vo-ed: ki
vo sus Paroyh b'richboy uv'foroshov bayom vayoshev Adonoy aleihem es-mei hayom uv'nei
Yisro-eil hol'chu vayaboshoh b'soych hayom: vatikach miryom han'vi-oh achoys Aharoyn
es-hatoyf b'yodoh vateitzeno chol-hanoshim achareho b'supim uvimchoyloys: vata-an lohem
miryom shiru ladonoy ki-go-oyh go-oh sus v'roych'voy romoh vayom: vayasa Moysheh
es-yisro-eil miyam-suf vayeitz'u el-midbar-shur vayeil'chu sh'loyshes-yomim bamidbor
v'loy-motz'u moyim: vayovoyu morosoh v'loy yoch'lu lishtoys mayim mimoroh ki morim heim
al-kein koro-sh'moh Moroh: vayiloynu ho-om al-moysheh leimoyr mah-nishteh: vayitzak
el-adonoy vayoyreihu Adonoy eitz vayashleich el-hamayim vayimt'ku hamoyim shom som loy choyk
umishpot v'shom nisohu: vayoymer im-shomoya tishma l'koyl Adonoy Eloyhecho v'hayoshor
b'einov ta-aseh v'ha-azanto l'mitzvoysov v'shomarto kol-chukov kol-hamachaloh asher-samti
v'Mitzrayim loy-osim olecho ki ani Adonoy royf'-echo: