Hebrew
אָהַבְתִּי, כִּי־יִשְׁמַע יְהוָה, אֶת־קוֹלִי תַּחֲנוּנָי׃
כִּי־הִטָּה אָזְנוֹ לִי, וּבְיָמַי אֶקְרָא׃
אֲפָפוּנִי חֶבְלֵי־מָוֶת, וּמְצָרֵי שְׁאוֹל מְצָאוּנִי, צָרָה וְיָגוֹן אֶמְצָא׃
וּבְשֵׁם־יְהוָה אֶקְרָא, אָנָּה יְהוָה מַלְּטָה נַפְשִׁי׃
חַנּוּן יְהוָה וְצַדִּיק, וֵאלֹהֵינוּ מְרַחֵם׃
שֹׁמֵר פְּתָאיִם יְהוָה, דַּלֹּתִי וְלִי יְהוֹשִׁיעַ׃
שׁוּבִי נַפְשִׁי לִמְנוּחָיְכִי, כִּי־יְהוָה גָּמַל עָלָיְכִי׃
כִּי חִלַּצְתָּ נַפְשִׁי מִמָּוֶת, אֶת־עֵינִי מִן־דִּמְעָה, אֶת־רַגְלִי מִדֶּחִי׃
אֶתְהַלֵּךְ לִפְנֵי יְהוָה, בְּאַרְצוֹת הַחַיִּים׃
הֶאֱמַנְתִּי כִּי אֲדַבֵּר, אֲנִי עָנִיתִי מְאֹד׃
אֲנִי אָמַרְתִּי בְחָפְזִי, כָּל־הָאָדָם כֹּזֵב׃
Israeli
ahavti, ki-yishma Adonai, et-koli tachanunai.
ki-hitah ozno li, uvyamai ekra.
afafuni chevlei-mavet, umetzarei she-ol metzauni, tzarah veyagon emtza.
uvshem-adonai ekra, anah Adonai maletah nafshi.
chanun Adonai vetzadik, veiloheinu merachem.
shomer p'tayim Adonai, daloti veli yehoshia.
shuvi nafshi limnuchaychi, ki-adonai gamal alaychi.
ki chilatzta nafshi mimavet, et-eini min-dimah, et-ragli midechi.
ethalech lifnei Adonai, be-artzot hachayim.
he-emanti ki adaber, ani aniti me-od.
ani amarti v'chafzi, kol-ha-adam kozev.