Chapter 43

perek מג

פרק מג

Chabad: ' is a reduced vowel — every vocal shva, always pronounced. - separates syllables that would otherwise run together.

How to read the transliterations

Hebrew

מִשְׁכְּנוֹתֶיךָ: ד וְאָבוֹאָה אֶל־מִזְבַּח אֱלֹהִים, אֶל־אֵל שִׂמְחַת
גִּילִי, וְאוֹדְךָ בְכִנּוֹר אֱלֹהִים אֱלֹהָי: ה מַה־תִּשְׁתּוֹחֲחִי נַפְשִׁי
וּמַה־תֶּהֱמִי עָלָי, הוֹחִילִי לֵאלֹהִים כִּי־עוֹד אוֹדֶנּוּ, יְשׁוּעֹת
פָּנַי וֵאלֹהָי:

Chabad

mishk'noysecho: ד v'ovoy-oh el-mizbach Eloyhim, el-eil simchas
gili, v'oyd'cho v'chinoyr Eloyhim eloyhoy: ה mah-tishtoychachi nafshi
umah-tehemi oloy, hoychili leiloyhim ki-oyd oydenu, y'shu-oys
ponai veiloyhoy:

יוֹם ח

Hebrew

מד לַמְנַצֵּחַ לִבְנֵי־קֹרַח מַשְׂכִּיל: ב אֱלֹהִים בְּאָזְנֵינוּ
שָׁמָעְנוּ, אֲבוֹתֵינוּ סִפְּרוּ־לָנוּ, פֹּעַל פָּעַלְתָּ בִימֵיהֶם בִּימֵי
קֶדֶם: ג אַתָּה יָדְךָ גּוֹיִם הוֹרַשְׁתָּ וַתִּטָּעֵם, תָּרַע לְאֻמִּים
וַתְּשַׁלְּחֵם: ד כִּי לֹא בְחַרְבָּם יָרְשׁוּ אָרֶץ, וּזְרוֹעָם לֹא־
הוֹשִׁיעָה לָּמוֹ, כִּי־יְמִינְךָ וּזְרוֹעֲךָ וְאוֹר פָּנֶיךָ כִּי רְצִיתָם:
ה אַתָּה־הוּא מַלְכִּי אֱלֹהִים, צַוֵּה יְשׁוּעוֹת יַעֲקֹב: ו בְּךָ
צָרֵינוּ נְנַגֵּחַ, בְּשִׁמְךָ נָבוּס קָמֵינוּ: ז כִּי לֹא בְקַשְׁתִּי אֶבְטָח,
וְחַרְבִּי לֹא תוֹשִׁיעֵנִי: ח כִּי הוֹשַׁעְתָּנוּ מִצָּרֵינוּ, וּמְשַׂנְאֵינוּ
הֱבִישׁוֹתָ: ט בֵּאלֹהִים הִלַּלְנוּ כָל־הַיּוֹם, וְשִׁמְךָ לְעוֹלָם
נוֹדֶה סֶלָה: י אַף־זָנַחְתָּ וַתַּכְלִימֵנוּ וְלֹא־תֵצֵא בְּצִבְאוֹתֵינוּ:
יא תְּשִׁיבֵנוּ אָחוֹר מִנִּי־צָר, וּמְשַׂנְאֵינוּ שָׁסוּ לָמוֹ: יב תִּתְּנֵנוּ
כְּצֹאן מַאֲכָל, וּבַגּוֹיִם זֵרִיתָנוּ: יג תִּמְכֹּר־עַמְּךָ בְלֹא־הוֹן
וְלֹא־רִבִּיתָ בִּמְחִירֵיהֶם: יד תְּשִׂימֵנוּ חֶרְפָּה לִשְׁכֵנֵינוּ, לַעַג
וָקֶלֶס לִסְבִיבוֹתֵינוּ: טו תְּשִׂימֵנוּ מָשָׁל בַּגּוֹיִם, מְנוֹד רֹאשׁ
בַּלְאֻמִּים: טז כָּל־הַיּוֹם כְּלִמָּתִי נֶגְדִּי, וּבֹשֶׁת פָּנַי כִּסָּתְנִי:
יז מִקּוֹל מְחָרֵף וּמְגַדֵּף, מִפְּנֵי אוֹיֵב וּמִתְנַקֵּם: יח כָּל־זֹאת
בָּאַתְנוּ וְלֹא שְׁכַחֲנוּךָ, וְלֹא־שִׁקַּרְנוּ בִּבְרִיתֶךָ: יט לֹא־נָסוֹג
אָחוֹר לִבֵּנוּ, וַתֵּט אֲשֻׁרֵינוּ מִנִּי אָרְחֶךָ: כ כִּי דִכִּיתָנוּ בִּמְקוֹם
תַּנִּים, וַתְּכַס עָלֵינוּ בְצַלְמָוֶת: כא אִם־שָׁכַחְנוּ שֵׁם אֱלֹהֵינוּ
וַנִּפְרֹשׂ כַּפֵּינוּ לְאֵל זָר: כב הֲלֹא אֱלֹהִים יַחֲקָר־זֹאת, כִּי־הוּא
יֹדֵעַ תַּעֲלֻמוֹת לֵב: כג כִּי־עָלֶיךָ הֹרַגְנוּ כָל־הַיּוֹם, נֶחְשַׁבְנוּ
כְּצֹאן טִבְחָה: כד עוּרָה לָמָּה תִישַׁן | אֲדֹנָי, הָקִיצָה אַל־תִּזְנַח
לָנֶצַח: כה לָמָּה־פָנֶיךָ תַסְתִּיר, תִּשְׁכַּח עָנְיֵנוּ וְלַחֲצֵנוּ: כו כִּי
שָׁחָה לֶעָפָר נַפְשֵׁנוּ, דָּבְקָה לָאָרֶץ בִּטְנֵנוּ: כז קוּמָה עֶזְרָתָה
לָּנוּ, וּפְדֵנוּ לְמַעַן חַסְדֶּךָ:

Chabad

מד lamnatzeiach livnei-koyrach maskil: ב Eloyhim b'ozneinu
shomo'nu, avoyseinu sip'ru-lonu, poy-al po-alto vimeihem bimei
kedem: ג atoh yod'cho goyyim hoyrashto vatito-eim, tora l'umim
vat'shal'cheim: ד ki loy v'charbom yor'shu oretz, uz'roy-om loy-
hoyshi-oh lomoy, ki-y'min'cho uz'roy-acho v'oyr ponecho ki r'tzisom:
ה atoh-hu malki Eloyhim, tzaveih y'shu-oys Ya-akoyv: ו b'cho
tzoreinu n'nageiach, b'shimcho novus komeinu: ז ki loy v'kashti evtoch,
v'charbi loy soyshi-eini: ח ki hoyshatonu mitzoreinu, um'saneinu
hevishoyso: ט beiloyhim hilalnu chol-hayoym, v'shimcho l'oylom
noydeh seloh: י af-zonachto vatachlimeinu v'loy-seitzei b'tzivoyseinu:
יא t'shiveinu ochoyr mini-tzor, um'saneinu shosu lomoy: יב tit'neinu
k'tzoyn ma-achol, uvagoyyim zeirisonu: יג timkoyr-am'cho v'loy-hoyn
v'loy-ribiso bimchireihem: יד t'simeinu cherpoh lishcheineinu, la-ag
vokeles lisvivoyseinu: טו t'simeinu moshol bagoyyim, m'noyd roysh
balumim: טז kol-hayoym k'limosi negdi, uvoyshes ponai kisos'ni:
יז mikoyl m'choreif um'gadeif, mip'nei oyyeiv umisnakeim: יח kol-zoys
bo-asnu v'loy sh'chachanucho, v'loy-shikarnu bivrisecho: יט loy-nosoyg
ochoyr libeinu, vateit ashureinu mini orchecho: כ ki dikisonu bimkoym
tanim, vat'chas oleinu v'tzalmoves: כא im-shochachnu sheim Eloyheinu
vanifroys kapeinu l'Eil zor: כב haloy Eloyhim yachakor-zoys, ki-hu
yoydeia ta-alumoys leiv: כג ki-olecho hoyragnu chol-hayoym, nechshavnu
k'tzoyn tivchoh: כד uroh lomoh sishan Adonoy, hokitzoh al-tiznach
lonetzach: כה lomoh-fonecho sastir, tishkach onyeinu v'lachatzeinu: כו ki
shochoh le-ofor nafsheinu, dov'koh lo-oretz bitneinu: כז kumoh ezrosoh
lonu, uf'deinu l'ma-an chasdecho:

Hebrew

מה לַמְנַצֵּחַ עַל־שֹׁשַׁנִּים, לִבְנֵי־קֹרַח, מַשְׂכִּיל שִׁיר
יְדִידֹת: ב רָחַשׁ לִבִּי דָּבָר טוֹב, אֹמֵר אָנִי מַעֲשַׂי לְמֶלֶךְ, לְשׁוֹנִי
עֵט סוֹפֵר מָהִיר: ג יָפְיָפִיתָ מִבְּנֵי אָדָם, הוּצַק חֵן בְּשִׂפְתוֹתֶיךָ,
עַל־כֵּן בֵּרַכְךָ אֱלֹהִים לְעוֹלָם: ד חֲגוֹר־חַרְבְּךָ עַל־יָרֵךְ גִּבּוֹר,
הוֹדְךָ וַהֲדָרֶךָ: ה וַהֲדָרְךָ צְלַח רְכַב עַל־דְּבַר־אֱמֶת וְעַנְוָה־
צֶדֶק, וְתוֹרְךָ נוֹרָאוֹת יְמִינֶךָ: ו חִצֶּיךָ שְׁנוּנִים, עַמִּים תַּחְתֶּיךָ
יִפְּלוּ, בְּלֵב אוֹיְבֵי הַמֶּלֶךְ: ז כִּסְאֲךָ אֱלֹהִים עוֹלָם וָעֶד, שֵׁבֶט
מִישֹׁר שֵׁבֶט מַלְכוּתֶךָ: ח אָהַבְתָּ צֶדֶק וַתִּשְׂנָא רֶשַׁע, עַל־כֵּן
מְשָׁחֲךָ אֱלֹהִים אֱלֹהֶיךָ שֶׁמֶן שָׂשׂוֹן מֵחֲבֵרֶךָ: ט מֹר־וַאֲהָלוֹת
קְצִיעוֹת כָּל־בִּגְדֹתֶיךָ, מִן־הֵיכְלֵי שֵׁן מִנִּי שִׂמְּחוּךָ: י בְּנוֹת
מְלָכִים בְּיִקְּרוֹתֶיךָ, נִצְּבָה שֵׁגַל לִימִינְךָ בְּכֶתֶם אוֹפִיר:
יא שִׁמְעִי־בַת וּרְאִי וְהַטִּי אָזְנֵךְ, וְשִׁכְחִי עַמֵּךְ וּבֵית אָבִיךְ:
יב וְיִתְאָו הַמֶּלֶךְ יָפְיֵךְ, כִּי־הוּא אֲדֹנַיִךְ וְהִשְׁתַּחֲוִי־לוֹ: יג וּבַת־
צֹר בְּמִנְחָה פָּנַיִךְ יְחַלּוּ, עֲשִׁירֵי עָם: יד כָּל־כְּבוּדָּה בַת־מֶלֶךְ
פְּנִימָה, מִמִּשְׁבְּצוֹת זָהָב לְבוּשָׁהּ: טו לִרְקָמוֹת תּוּבַל לַמֶּלֶךְ,
בְּתוּלוֹת אַחֲרֶיהָ רֵעוֹתֶיהָ, מוּבָאוֹת לָךְ: טז תּוּבַלְנָה בִּשְׂמָחֹת
וָגִיל, תְּבֹאֶינָה בְּהֵיכַל מֶלֶךְ: יז תַּחַת אֲבֹתֶיךָ יִהְיוּ בָנֶיךָ,
תְּשִׁיתֵמוֹ לְשָׂרִים בְּכָל־הָאָרֶץ: יח אַזְכִּירָה שִׁמְךָ בְּכָל־דֹּר
וָדֹר, עַל־כֵּן עַמִּים יְהוֹדוּךָ לְעֹלָם וָעֶד:

Chabad

מה lamnatzeiach al-shoyshanim, livnei-koyrach, maskil shir
y'didoys: ב rochash libi dovor toyv, oymeir oni ma-asai l'melech, l'shoyni
eit soyfeir mohir: ג yofyofiso mib'nei Odom, hutzak chein b'sifsoysecho,
al-kein beirachcho Eloyhim l'oylom: ד chagoyr-charb'cho al-yoreich giboyr,
hoyd'cho vahadorecho: ה vahador'cho tz'lach r'chav al-d'var-emes v'anvoh-
tzedek, v'soyr'cho noyro-oys y'minecho: ו chitzecho sh'nunim, amim tachtecho
yip'lu, b'leiv oyy'vei hamelech: ז kisacho Eloyhim oylom vo-ed, sheivet
mishoyr sheivet malchusecho: ח ohavto tzedek vatisno resha, al-kein
m'shochacho Eloyhim Eloyhecho shemen sosoyn meichaveirecho: ט moyr-va-aholoys
k'tzi-oys kol-bigdoysecho, min-heich'lei shein mini sim'chucho: י b'noys
m'lochim b'yik'roysecho, nitz'voh sheigal limin'cho b'chesem oyfir:
יא shimi-vas ur'-i v'hati ozneich, v'shichchi ameich uveis ovich:
יב v'yisov hamelech yofyeich, ki-hu adoynayich v'hishtachavi-loy: יג uvas-
tzoyr b'minchoh ponayich y'chalu, ashirei om: יד kol-k'vudoh vas-melech
p'nimoh, mimishb'tzoys zohov l'vushoh: טו lirkomoys tuval lamelech,
b'suloys achareho rei-oyseho, muvo-oys loch: טז tuvalnoh bismochoys
vogil, t'voy-enoh b'heichal melech: יז tachas avoysecho yihyu vonecho,
t'shiseimoy l'sorim b'chol-ho-oretz: יח azkiroh shimcho b'chol-doyr
vodoyr, al-kein amim y'hoyducho l'oylom vo-ed:

Hebrew

מו לַמְנַצֵּחַ לִבְנֵי־קֹרַח, עַל־עֲלָמוֹת שִׁיר: ב אֱלֹהִים לָנוּ
מַחֲסֶה וָעֹז, עֶזְרָה בְצָרוֹת נִמְצָא מְאֹד: ג עַל־כֵּן לֹא־נִירָא
בְּהָמִיר אָרֶץ, וּבְמוֹט הָרִים בְּלֵב יַמִּים: ד יֶהֱמוּ יֶחְמְרוּ מֵימָיו,
יִרְעֲשׁוּ הָרִים בְּגַאֲוָתוֹ סֶלָה: ה נָהָר פְּלָגָיו יְשַׂמְּחוּ עִיר־
אֱלֹהִים, קְדֹשׁ מִשְׁכְּנֵי עֶלְיוֹן: ו אֱלֹהִים בְּקִרְבָּהּ בַּל־תִּמּוֹט,
יַעְזְרֶהָ אֱלֹהִים לִפְנוֹת בֹּקֶר: ז הָמוּ גוֹיִם מָטוּ מַמְלָכוֹת, נָתַן
בְּקוֹלוֹ תָּמוּג אָרֶץ: ח יְהוָה צְבָאוֹת עִמָּנוּ, מִשְׂגָּב־לָנוּ אֱלֹהֵי
יַעֲקֹב סֶלָה: ט לְכוּ־חֲזוּ מִפְעֲלוֹת יְהוָה, אֲשֶׁר־שָׂם שַׁמּוֹת
בָּאָרֶץ: י מַשְׁבִּית מִלְחָמוֹת עַד־קְצֵה הָאָרֶץ, קֶשֶׁת יְשַׁבֵּר
וְקִצֵּץ חֲנִית, עֲגָלוֹת יִשְׂרֹף בָּאֵשׁ: יא הַרְפּוּ וּדְעוּ כִּי־אָנֹכִי
אֱלֹהִים, אָרוּם בַּגּוֹיִם אָרוּם בָּאָרֶץ: יב יְהוָה צְבָאוֹת עִמָּנוּ,
מִשְׂגָּב־לָנוּ אֱלֹהֵי יַעֲקֹב סֶלָה:

Chabad

מו lamnatzeiach livnei-koyrach, al-alomoys shir: ב Eloyhim lonu
machaseh vo-oyz, ezroh v'tzoroys nimtzo m'oyd: ג al-kein loy-niro
b'homir oretz, uv'moyt horim b'leiv yamim: ד yehemu yechm'ru meimov,
yirashu horim b'ga-avosoy seloh: ה nohor p'logov y'sam'chu ir-
Eloyhim, k'doysh mishk'nei Elyoyn: ו Eloyhim b'kirboh bal-timoyt,
yaz'reho Eloyhim lifnoys boyker: ז homu goyyim motu mamlochoys, nosan
b'koyloy tomug oretz: ח Adonoy Tz'vo-oys imonu, misgov-lonu Eloyhei
Ya-akoyv seloh: ט l'chu-chazu mifaloys Adonoy, asher-som shamoys
bo-oretz: י mashbis milchomoys ad-k'tzeih ho-oretz, keshes y'shabeir
v'kitzeitz chanis, agoloys yisroyf bo-eish: יא harpu ud'u ki-onoychi
Eloyhim, orum bagoyyim orum bo-oretz: יב Adonoy Tz'vo-oys imonu,
misgov-lonu Eloyhei Ya-akoyv seloh:

Hebrew

מז לַמְנַצֵּחַ לִבְנֵי־קֹרַח מִזְמוֹר: ב כָּל־הָעַמִּים תִּקְעוּ־
כָף, הָרִיעוּ לֵאלֹהִים בְּקוֹל רִנָּה: ג כִּי־יְהוָה עֶלְיוֹן נוֹרָא, מֶלֶךְ
גָּדוֹל עַל־כָּל־הָאָרֶץ: ד יַדְבֵּר עַמִּים תַּחְתֵּינוּ, וּלְאֻמִּים תַּחַת
רַגְלֵינוּ: ה יִבְחַר־לָנוּ אֶת־נַחֲלָתֵנוּ, אֶת גְּאוֹן יַעֲקֹב אֲשֶׁר־אָהֵב
סֶלָה: ו עָלָה אֱלֹהִים בִּתְרוּעָה, יְהוָה בְּקוֹל שׁוֹפָר: ז זַמְּרוּ
אֱלֹהִים זַמֵּרוּ, זַמְּרוּ לְמַלְכֵּנוּ זַמֵּרוּ: ח כִּי מֶלֶךְ כָּל־הָאָרֶץ

Chabad

מז lamnatzeiach livnei-koyrach mizmoyr: ב kol-ho-amim tiku-
chof, horiu leiloyhim b'koyl rinoh: ג ki-adonoy Elyoyn noyro, melech
godoyl al-kol-ho-oretz: ד yadbeir amim tachteinu, ul'-umim tachas
ragleinu: ה yivchar-lonu es-nachaloseinu, es g'oyn Ya-akoyv asher-oheiv
seloh: ו oloh Eloyhim bisru-oh, Adonoy b'koyl shoyfor: ז zam'ru
Eloyhim zameiru, zam'ru l'malkeinu zameiru: ח ki melech kol-ho-oretz

Hebrew

אֱלֹהִים, זַמְּרוּ מַשְׂכִּיל: ט מָלַךְ אֱלֹהִים עַל־גּוֹיִם, אֱלֹהִים
יָשַׁב עַל־כִּסֵּא קָדְשׁוֹ: י נְדִיבֵי עַמִּים נֶאֱסָפוּ, עַם אֱלֹהֵי
אַבְרָהָם, כִּי לֵאלֹהִים מָגִנֵּי־אֶרֶץ מְאֹד נַעֲלָה:

Chabad

Eloyhim, zam'ru maskil: ט molach Eloyhim al-goyyim, Eloyhim
yoshav al-kisei kodshoy: י n'divei amim ne-esofu, am Eloyhei
Avrohom, ki leiloyhim moginei-eretz m'oyd na-aloh:

Hebrew

מח שִׁיר מִזְמוֹר לִבְנֵי־קֹרַח: ב גָּדוֹל יְהוָה וּמְהֻלָּל מְאֹד,
בְּעִיר אֱלֹהֵינוּ הַר־קָדְשׁוֹ: ג יְפֵה נוֹף מְשׂוֹשׂ כָּל־הָאָרֶץ, הַר־
צִיּוֹן יַרְכְּתֵי צָפוֹן, קִרְיַת מֶלֶךְ רָב: ד אֱלֹהִים בְּאַרְמְנוֹתֶיהָ נוֹדַע
לְמִשְׂגָּב: ה כִּי־הִנֵּה הַמְּלָכִים נוֹעֲדוּ, עָבְרוּ יַחְדָּו: ו הֵמָּה רָאוּ
כֵּן תָּמָהוּ, נִבְהֲלוּ נֶחְפָּזוּ: ז רְעָדָה אֲחָזָתַם שָׁם, חִיל כַּיּוֹלֵדָה:
ח בְּרוּחַ קָדִים, תְּשַׁבֵּר אֳנִיּוֹת תַּרְשִׁישׁ: ט כַּאֲשֶׁר שָׁמַעְנוּ כֵּן
רָאִינוּ בְּעִיר־יְהוָה־צְבָאוֹת בְּעִיר אֱלֹהֵינוּ, אֱלֹהִים יְכוֹנְנֶהָ עַד־
עוֹלָם סֶלָה: י דִּמִּינוּ אֱלֹהִים חַסְדֶּךָ, בְּקֶרֶב הֵיכָלֶךָ: יא כְּשִׁמְךָ
אֱלֹהִים, כֵּן תְּהִלָּתְךָ עַל־קַצְוֵי־אֶרֶץ, צֶדֶק מָלְאָה יְמִינֶךָ:
יב יִשְׂמַח הַר־צִיּוֹן, תָּגֵלְנָה בְּנוֹת יְהוּדָה, לְמַעַן מִשְׁפָּטֶיךָ:
יג סֹבּוּ צִיּוֹן וְהַקִּיפוּהָ, סִפְרוּ מִגְדָּלֶיהָ: יד שִׁיתוּ לִבְּכֶם לְחֵילָה,
פַּסְּגוּ אַרְמְנוֹתֶיהָ, לְמַעַן תְּסַפְּרוּ לְדוֹר אַחֲרוֹן: טו כִּי זֶה אֱלֹהִים
אֱלֹהֵינוּ עוֹלָם וָעֶד, הוּא יְנַהֲגֵנוּ עַל־מוּת:

Chabad

מח shir mizmoyr livnei-koyrach: ב godoyl Adonoy um'hulol m'oyd,
b'ir Eloyheinu har-kodshoy: ג y'feih noyf m'soys kol-ho-oretz, har-
Tziyoyn yark'sei tzofoyn, kiryas melech rov: ד Eloyhim b'arm'noyseho noyda
l'misgov: ה ki-hineih ham'lochim noy-adu, ov'ru yachdov: ו heimoh rou
kein tomohu, nivhalu nechpozu: ז r'odoh achozosam shom, chil kayoyleidoh:
ח b'ruach kodim, t'shabeir oniyoys tarshish: ט ka-asher shomanu kein
ro-inu b'ir-adonoy-tz'vo-oys b'ir Eloyheinu, Eloyhim y'choyn'neho ad-
oylom seloh: י diminu Eloyhim chasdecho, b'kerev heicholecho: יא k'shimcho
Eloyhim, kein t'hilos'cho al-katzvei-eretz, tzedek mol'-oh y'minecho:
יב yismach har-tziyoyn, togeil'noh b'noys Y'hudoh, l'ma-an mishpotecho:
יג soybu Tziyoyn v'hakifuho, sifru migdoleho: יד shisu lib'chem l'cheiloh,
pas'gu arm'noyseho, l'ma-an t'sap'ru l'doyr acharoyn: טו ki zeh Eloyhim
Eloyheinu oylom vo-ed, hu y'nahageinu al-mus:

יוֹם ט

Hebrew

מט לַמְנַצֵּחַ לִבְנֵי־קֹרַח מִזְמוֹר: ב שִׁמְעוּ־זֹאת כָּל־
הָעַמִּים, הַאֲזִינוּ כָּל־יֹשְׁבֵי חָלֶד: ג גַּם־בְּנֵי אָדָם גַּם־בְּנֵי־אִישׁ,
יַחַד עָשִׁיר וְאֶבְיוֹן: ד פִּי יְדַבֵּר חָכְמוֹת, וְהָגוּת לִבִּי תְבוּנוֹת:
ה אַטֶּה לְמָשָׁל אָזְנִי, אֶפְתַּח בְּכִנּוֹר חִידָתִי: ו לָמָּה אִירָא בִּימֵי
רָע, עֲוֹן עֲקֵבַי יְסוּבֵּנִי: ז הַבֹּטְחִים עַל־חֵילָם, וּבְרֹב עָשְׁרָם
יִתְהַלָּלוּ: ח אָח לֹא־פָדֹה יִפְדֶּה אִישׁ, לֹא־יִתֵּן לֵאלֹהִים כָּפְרוֹ:
ט וְיֵקַר פִּדְיוֹן נַפְשָׁם, וְחָדַל לְעוֹלָם: י וִיחִי־עוֹד לָנֶצַח, לֹא
יִרְאֶה הַשָּׁחַת: יא כִּי יִרְאֶה חֲכָמִים יָמוּתוּ, יַחַד כְּסִיל וָבַעַר
יֹאבֵדוּ, וְעָזְבוּ לַאֲחֵרִים חֵילָם: יב קִרְבָּם בָּתֵּימוֹ לְעוֹלָם,
מִשְׁכְּנֹתָם לְדֹר וָדֹר, קָרְאוּ בִשְׁמוֹתָם עֲלֵי אֲדָמוֹת: יג וְאָדָם
בִּיקָר בַּל־יָלִין, נִמְשַׁל כַּבְּהֵמוֹת נִדְמוּ: יד זֶה דַרְכָּם כֵּסֶל לָמוֹ,
וְאַחֲרֵיהֶם בְּפִיהֶם יִרְצוּ סֶלָה: טו כַּצֹּאן לִשְׁאוֹל שַׁתּוּ, מָוֶת
יִרְעֵם, וַיִּרְדּוּ בָם יְשָׁרִים לַבֹּקֶר, וְצוּרָם לְבַלּוֹת שְׁאוֹל מִזְּבֻל
לוֹ: טז אַךְ־אֱלֹהִים יִפְדֶּה נַפְשִׁי מִיַּד־שְׁאוֹל, כִּי יִקָּחֵנִי סֶלָה:
יז אַל־תִּירָא כִּי־יַעֲשִׁר אִישׁ, כִּי־יִרְבֶּה כְּבוֹד בֵּיתוֹ: יח כִּי לֹא
בְמוֹתוֹ יִקַּח הַכֹּל, לֹא־יֵרֵד אַחֲרָיו כְּבוֹדוֹ: יט כִּי־נַפְשׁוֹ בְּחַיָּיו
יְבָרֵךְ, וְיוֹדֻךָ כִּי־תֵיטִיב לָךְ: כ תָּבוֹא עַד־דּוֹר אֲבוֹתָיו, עַד־נֵצַח
לֹא יִרְאוּ־אוֹר: כא אָדָם בִּיקָר וְלֹא יָבִין, נִמְשַׁל כַּבְּהֵמוֹת נִדְמוּ:

Chabad

מט lamnatzeiach livnei-koyrach mizmoyr: ב shimu-zoys kol-
ho-amim, ha-azinu kol-yoysh'vei choled: ג gam-b'nei Odom gam-b'nei-ish,
yachad oshir v'evyoyn: ד pi y'dabeir chochmoys, v'hogus libi s'vunoys:
ה ateh l'moshol ozni, eftach b'chinoyr chidosi: ו lomoh iro bimei
ro, avoyn akeivai y'subeini: ז haboyt'chim al-cheilom, uv'royv oshrom
yishalolu: ח och loy-fodoyh yifdeh ish, loy-yitein leiloyhim kof'roy:
ט v'yeikar pidyoyn nafshom, v'chodal l'oylom: י vichi-oyd lonetzach, loy
yireh hashochas: יא ki yireh chachomim yomusu, yachad k'sil vova-ar
yoyveidu, v'oz'vu la-acheirim cheilom: יב kirbom boteimoy l'oylom,
mishk'noysom l'doyr vodoyr, kor'u vishmoysom alei adomoys: יג v'Odom
bikor bal-yolin, nimshal kab'heimoys nidmu: יד zeh darkom keisel lomoy,
v'achareihem b'fihem yirtzu seloh: טו katzoyn lishoyl shatu, moves
yireim, vayirdu vom y'shorim laboyker, v'tzurom l'valoys sh'oyl miz'vul
loy: טז ach-eloyhim yifdeh nafshi miyad-sh'oyl, ki yikocheini seloh:
יז al-tiro ki-ya-ashir ish, ki-yirbeh k'voyd beisoy: יח ki loy
v'moysoy yikach hakoyl, loy-yeireid acharov k'voydoy: יט ki-nafshoy b'chayov
y'voreich, v'yoyducho ki-seitiv loch: כ tovoy ad-doyr avoysov, ad-neitzach
loy yiru-oyr: כא Odom bikor v'loy yovin, nimshal kab'heimoys nidmu:

Hebrew

נ מִזְמוֹר לְאָסָף, אֵל אֱלֹהִים יְהוָה דִּבֶּר וַיִּקְרָא־אָרֶץ,
מִמִּזְרַח־שֶׁמֶשׁ עַד־מְבֹאוֹ: ב מִצִּיּוֹן מִכְלַל־יֹפִי, אֱלֹהִים
הוֹפִיעַ: ג יָבֹא אֱלֹהֵינוּ וְאַל־יֶחֱרַשׁ, אֵשׁ־לְפָנָיו תֹּאכֵל,
וּסְבִיבָיו נִשְׂעֲרָה מְאֹד: ד יִקְרָא אֶל־הַשָּׁמַיִם מֵעָל, וְאֶל־
הָאָרֶץ לָדִין עַמּוֹ: ה אִסְפוּ־לִי חֲסִידָי, כֹּרְתֵי בְרִיתִי עֲלֵי־זָבַח:
ו וַיַּגִּידוּ שָׁמַיִם צִדְקוֹ, כִּי־אֱלֹהִים שֹׁפֵט הוּא סֶלָה: ז שִׁמְעָה
עַמִּי וַאֲדַבֵּרָה, יִשְׂרָאֵל וְאָעִידָה בָּךְ, אֱלֹהִים אֱלֹהֶיךָ אָנֹכִי:
ח לֹא עַל־זְבָחֶיךָ אוֹכִיחֶךָ, וְעוֹלֹתֶיךָ לְנֶגְדִּי תָמִיד: ט לֹא־אֶקַּח
מִבֵּיתְךָ פָר, מִמִּכְלְאֹתֶיךָ עַתּוּדִים: י כִּי־לִי כָל־חַיְתוֹ־יָעַר,
בְּהֵמוֹת בְּהַרְרֵי־אָלֶף: יא יָדַעְתִּי כָּל־עוֹף הָרִים, וְזִיז שָׂדַי
עִמָּדִי: יב אִם־אֶרְעַב לֹא־אֹמַר לָךְ, כִּי־לִי תֵבֵל וּמְלֹאָהּ:
יג הַאוֹכַל בְּשַׂר אַבִּירִים, וְדַם עַתּוּדִים אֶשְׁתֶּה: יד זְבַח
לֵאלֹהִים תּוֹדָה, וְשַׁלֵּם לְעֶלְיוֹן נְדָרֶיךָ: טו וּקְרָאֵנִי בְּיוֹם צָרָה,
אֲחַלֶּצְךָ וּתְכַבְּדֵנִי: טז וְלָרָשָׁע אָמַר אֱלֹהִים, מַה־לְּךָ לְסַפֵּר
חֻקָּי, וַתִּשָּׂא בְרִיתִי עֲלֵי־פִיךָ: יז וְאַתָּה שָׂנֵאתָ מוּסָר, וַתַּשְׁלֵךְ
דְּבָרַי אַחֲרֶיךָ: יח אִם־רָאִיתָ גַנָּב וַתִּרֶץ עִמּוֹ, וְעִם מְנָאֲפִים
חֶלְקֶךָ: יט פִּיךָ שָׁלַחְתָּ בְרָעָה, וּלְשׁוֹנְךָ תַּצְמִיד מִרְמָה:
כ תֵּשֵׁב בְּאָחִיךָ תְדַבֵּר, בְּבֶן־אִמְּךָ תִּתֶּן־דֹּפִי: כא אֵלֶּה עָשִׂיתָ
וְהֶחֱרַשְׁתִּי, דִּמִּיתָ הֱיוֹת־אֶהְיֶה כָמוֹךָ, אוֹכִיחֲךָ וְאֶעֶרְכָה
לְעֵינֶיךָ: כב בִּינוּ־נָא זֹאת שֹׁכְחֵי אֱלוֹהַּ, פֶּן־אֶטְרֹף וְאֵין מַצִּיל:
כג זֹבֵחַ תּוֹדָה יְכַבְּדָנְנִי, וְשָׂם דֶּרֶךְ, אַרְאֶנּוּ בְּיֵשַׁע אֱלֹהִים:

Chabad

נ mizmoyr l'osof, Eil Eloyhim Adonoy diber vayikro-oretz,
mimizrach-shemesh ad-m'voy-oy: ב mitziyoyn michlal-yoyfi, Eloyhim
hoyfia: ג yovoy Eloyheinu v'al-yecherash, eish-l'fonov toycheil,
us'vivov nisaroh m'oyd: ד yikro el-hashomayim mei-ol, v'el-
ho-oretz lodin amoy: ה isfu-li chasidoy, koyr'sei v'risi alei-zovach:
ו vayagidu shomayim tzidkoy, ki-eloyhim shoyfeit hu seloh: ז shimoh
ami va-adabeiroh, Yisro-eil v'o-idoh boch, Eloyhim Eloyhecho onoychi:
ח loy al-z'vochecho oychichecho, v'oyloysecho l'negdi somid: ט loy-ekach
mibeis'cho for, mimichl'oysecho atudim: י ki-li chol-chaysoy-yo-ar,
b'heimoys b'harrei-olef: יא yodati kol-oyf horim, v'ziz Shaddoy
imodi: יב im-erav loy-oymar loch, ki-li seiveil um'loy-oh:
יג ha-oychal b'sar abirim, v'dam atudim eshteh: יד z'vach
leiloyhim toydoh, v'shaleim l'Elyoyn n'dorecho: טו uk'ro-eini b'yoym tzoroh,
achaletzcho us'chab'deini: טז v'lorosho omar Eloyhim, mah-l'cho l'sapeir
chukoy, vatiso v'risi alei-ficho: יז v'atoh soneiso musor, vatashleich
d'vorai acharecho: יח im-ro-iso ganov vatiretz imoy, v'im m'no-afim
chelkecho: יט picho sholachto v'ro-oh, ul'shoyn'cho tatzmid mirmoh:
כ teisheiv b'ochicho s'dabeir, b'ven-im'cho titen-doyfi: כא eileh osiso
v'hecherashti, dimiso heyoys-ehyeh chomoycho, oychichacho v'e-erchoh
l'einecho: כב binu-no zoys shoych'chei Eloyah, pen-etroyf v'ein matzil:
כג zoyveiach toydoh y'chab'don'ni, v'som derech, arenu b'yeisha Eloyhim:

יום שלישי

Hebrew

נא לַמְנַצֵּחַ מִזְמוֹר לְדָוִד: ב בְּבוֹא־אֵלָיו נָתָן הַנָּבִיא,
כַּאֲשֶׁר־בָּא אֶל־בַּת־שָׁבַע: ג חָנֵּנִי אֱלֹהִים כְּחַסְדֶּךָ, כְּרֹב רַחֲמֶיךָ
מְחֵה פְשָׁעָי: ד הֶרֶב כַּבְּסֵנִי מֵעֲוֹנִי, וּמֵחַטָּאתִי טַהֲרֵנִי: ה כִּי־
פְשָׁעַי אֲנִי אֵדָע, וְחַטָּאתִי נֶגְדִּי תָמִיד: ו לְךָ לְבַדְּךָ חָטָאתִי
וְהָרַע בְּעֵינֶיךָ עָשִׂיתִי, לְמַעַן תִּצְדַּק בְּדָבְרֶךָ תִּזְכֶּה בְשָׁפְטֶךָ:
ז הֵן־בְּעָוֹן חוֹלָלְתִּי, וּבְחֵטְא יֶחֱמַתְנִי אִמִּי: ח הֵן־אֱמֶת חָפַצְתָּ
בַטֻּחוֹת, וּבְסָתֻם חָכְמָה תוֹדִיעֵנִי: ט תְּחַטְּאֵנִי בְאֵזוֹב וְאֶטְהָר,
תְּכַבְּסֵנִי וּמִשֶּׁלֶג אַלְבִּין: י תַּשְׁמִיעֵנִי שָׂשׂוֹן וְשִׂמְחָה, תָּגֵלְנָה
עֲצָמוֹת דִּכִּיתָ: יא הַסְתֵּר פָּנֶיךָ מֵחֲטָאָי, וְכָל־עֲוֹנֹתַי מְחֵה:
יב לֵב טָהוֹר בְּרָא־לִי אֱלֹהִים, וְרוּחַ נָכוֹן חַדֵּשׁ בְּקִרְבִּי: יג אַל־

Chabad

נא lamnatzeiach mizmoyr l'Dovid: ב b'voy-eilov Noson hanovi,
ka-asher-bo el-bas-shova: ג choneini Eloyhim k'chasdecho, k'royv rachamecho
m'cheih f'sho-oy: ד herev kab'seini mei-avoyni, umeichatosi tahareini: ה ki-
f'sho-ai ani eido, v'chatosi negdi somid: ו l'cho l'vad'cho chotosi
v'hora b'einecho osisi, l'ma-an titzdak b'dov'recho tizkeh v'shof'techo:
ז hein-b'ovoyn choylolti, uv'cheit yechemasni imi: ח hein-emes chofatzto
vatuchoys, uv'sosum chochmoh soydi-eini: ט t'chat'-eini v'eizoyv v'ethor,
t'chab'seini umisheleg albin: י tashmi-eini sosoyn v'simchoh, togeil'noh
atzomoys dikiso: יא hasteir ponecho meichato-oy, v'chol-avoynoysai m'cheih:
יב leiv tohoyr b'ro-li Eloyhim, v'ruach nochoyn chadeish b'kirbi: יג al-