Hebrew
קלט לַמְנַצֵּחַ לְדָוִד מִזְמוֹר, יְהוָה חֲקַרְתַּנִי וַתֵּדָע:
ב אַתָּה יָדַעְתָּ שִׁבְתִּי וְקוּמִי, בַּנְתָּה לְרֵעִי מֵרָחוֹק: ג אָרְחִי
וְרִבְעִי זֵרִיתָ, וְכָל־דְּרָכַי הִסְכַּנְתָּה: ד כִּי אֵין מִלָּה בִּלְשׁוֹנִי, הֵן
יְהוָה יָדַעְתָּ כֻלָּהּ: ה אָחוֹר וָקֶדֶם צַרְתָּנִי, וַתָּשֶׁת עָלַי כַּפֶּכָה:
ו פְּלִיאָה דַעַת מִמֶּנִּי, נִשְׂגְּבָה לֹא־אוּכַל לָהּ: ז אָנָה אֵלֵךְ
מֵרוּחֶךָ, וְאָנָה מִפָּנֶיךָ אֶבְרָח: ח אִם־אֶסַּק שָׁמַיִם שָׁם אָתָּה,
וְאַצִּיעָה שְּׁאוֹל הִנֶּךָּ: ט אֶשָּׂא כַנְפֵי־שָׁחַר, אֶשְׁכְּנָה בְּאַחֲרִית
יָם: י גַּם־שָׁם יָדְךָ תַנְחֵנִי, וְתֹאחֲזֵנִי יְמִינֶךָ: יא וָאֹמַר אַךְ־חֹשֶׁךְ
יְשׁוּפֵנִי, וְלַיְלָה אוֹר בַּעֲדֵנִי: יב גַּם־חֹשֶׁךְ לֹא־יַחְשִׁיךְ מִמֶּךָּ,
וְלַיְלָה כַּיּוֹם יָאִיר, כַּחֲשֵׁיכָה כָּאוֹרָה: יג כִּי־אַתָּה קָנִיתָ כִלְיֹתָי,
תְּסֻכֵּנִי בְּבֶטֶן אִמִּי: יד אוֹדְךָ עַל כִּי נוֹרָאוֹת נִפְלֵיתִי, נִפְלָאִים
מַעֲשֶׂיךָ, וְנַפְשִׁי יֹדַעַת מְאֹד: טו לֹא־נִכְחַד עָצְמִי מִמֶּךָּ, אֲשֶׁר־
עֻשֵּׂיתִי בַסֵּתֶר, רֻקַּמְתִּי בְּתַחְתִּיּוֹת אָרֶץ: טז גָּלְמִי רָאוּ עֵינֶיךָ,
וְעַל־סִפְרְךָ כֻּלָּם יִכָּתֵבוּ, יָמִים יֻצָּרוּ, וְלוֹ אֶחָד בָּהֶם: יז וְלִי
מַה־יָּקְרוּ רֵעֶיךָ אֵל, מֶה עָצְמוּ רָאשֵׁיהֶם: יח אֶסְפְּרֵם מֵחוֹל
יִרְבּוּן, הֱקִיצֹתִי וְעוֹדִי עִמָּךְ: יט אִם־תִּקְטֹל אֱלוֹהַּ | רָשָׁע,
וְאַנְשֵׁי דָמִים סוּרוּ מֶנִּי: כ אֲשֶׁר יֹמְרוּךָ לִמְזִמָּה, נָשׂוּא
לַשָּׁוְא עָרֶיךָ: כא הֲלוֹא־מְשַׂנְאֶיךָ יְהוָה | אֶשְׂנָא, וּבִתְקוֹמְמֶיךָ
אֶתְקוֹטָט: כב תַּכְלִית שִׂנְאָה שְׂנֵאתִים, לְאוֹיְבִים הָיוּ לִי:
כג חָקְרֵנִי אֵל וְדַע לְבָבִי, בְּחָנֵנִי וְדַע שַׂרְעַפָּי: כד וּרְאֵה אִם־
דֶּרֶךְ־עֹצֶב בִּי, וּנְחֵנִי בְּדֶרֶךְ עוֹלָם:
Chabad
קלט lamnatzeiach l'Dovid mizmoyr, Adonoy chakartani vateido:
ב atoh yodato shivti v'kumi, bantoh l'rei-i meirochoyk: ג orchi
v'rivi zeiriso, v'chol-d'rochai hiskantoh: ד ki ein miloh bilshoyni, hein
Adonoy yodato chuloh: ה ochoyr vokedem tzartoni, vatoshes olai kapechoh:
ו p'li-oh da-as mimeni, nisg'voh loy-uchal loh: ז onoh eileich
meiruchecho, v'onoh miponecho evroch: ח im-esak shomayim shom otoh,
v'atzi-oh sh'oyl hineko: ט eso chanfei-shochar, eshk'noh b'acharis
yom: י gam-shom yod'cho sancheini, v'soychazeini y'minecho: יא vo-oymar ach-choyshech
y'shufeini, v'layloh oyr ba-adeini: יב gam-choyshech loy-yachshich mimeko,
v'layloh kayoym yo-ir, kachasheichoh ko-oyroh: יג ki-atoh koniso chilyoysoy,
t'sukeini b'veten imi: יד oyd'cho al ki noyro-oys nifleisi, niflo-im
ma-asecho, v'nafshi yoyda-as m'oyd: טו loy-nichchad otz'mi mimeko, asher-
useisi vaseiser, rukamti b'sachtiyoys oretz: טז gol'mi rou einecho,
v'al-sifr'cho kulom yikoseivu, yomim yutzoru, v'loy echod bohem: יז v'li
mah-yok'ru rei-echo Eil, meh otz'mu rosheihem: יח esp'reim meichoyl
yirbun, hekitzoysi v'oydi imoch: יט im-tiktoyl Eloyah rosho,
v'anshei domim suru meni: כ asher yoym'rucho limzimoh, nosu
lashov orecho: כא haloy-m'sanecho Adonoy esno, uviskoym'mecho
eskoytot: כב tachlis sinoh s'neisim, l'oyy'vim hoyu li:
כג chok'reini Eil v'da l'vovi, b'choneini v'da sarapoy: כד ur'-eih im-
derech-oytzev bi, un'cheini b'derech oylom: